PAANO MAKINIG SA BOSES NG PANGINOON?

1. Manalangin  at Asamin na marinig ang Kanyang Boses. Dito nagsisimula ang lahat kapatid! Naisin mo na marinig ang Panginoon. Paano? Simulan mo sa panalangin at pagbabasa ng Kanyang salita. Sa pamamagitan nito ay mangungusap sa’yo ang Panginoon.

2. ALISIN LAHAT NG BALAKID:

                - Unforgiveness?

                - Mga tagong kasalanan?

                - Maling motibo?

                - Pagmamahal sa ibang bagay higit sa Diyos?

Hindi ito collectibles kapatid! Wag mo isama to sa mga collections mo. Kaya kung isa man sa itaas o lahat ay meron ka, alam na! Repent! Ask God for forgiveness!

3. MATUTONG MAKINIG. Napakadaling magsalita at sabihin sa Diyos lahat ng ating mga panalangin pero napakahirap makinig sa Kanyang mga sasabihin. Kailangan nito ng ibayong training at disiplina! Kailangan nating matutunang isara ang ating pandinig sa iba pang boses at buksan ito sa boses ng Panginoon. Parang ganito yan eh:

                GOD’s VOICE vs. DEVIL’s VOICE vs. YOUR VOICE

4. MAGING MATIYAGA. Kumalma ka kasi! Ganun talaga kapatid! Darating yung mga panahon na kailangan nating maghintay sa sasabihin ng Diyos. Hindi lahat instant! Tinuturuan tayo ng Lord minsan na maghintay kaya tiyaga-tiyaga lang.

5. MAGING HUMBLE. Alam ko namang pabibo ka at pabida minsan. Pero kapatid, requirement sa pakikinig sa Diyos ang pagkakaroon ng humble heart. Wala tayo sa posisyon para mag-demand ng kung anu-ano. Gayunpaman, maari tayong humingi, maghanap at kumatok at tiyak na tutugunin tayo ng Diyos. Just be humble.  (oh mahirap to)

6. MANIWALA KA. Kailangan mong maniwala! Bakit? LOGIC! Kung gusto mong magsalita ang Panginoon sa iyo kailangan mong maniwala at magtiwala na mangungusap Siya sayo. Through Christ, believe in the power of His Holy Spirit. Nais ng Diyos ng kausapin ka araw-araw, maniwala ka!

7. TANDAAN MO NA MAHAL KA NG PANGINOON. Nais ng Diyos na mapabuti ka at yun ang katotohanan. Kaya sa panahon na nahihirapan kang marinig Siya at feeling mo ang layo layo N’ya, alalahanin mo lang na MAHAL KA NIYA. At  nais ka N’yang tulungan kahit sa maliliit na area ng life mo. Kaya sabi sa bible: “In all your ways, acknowledge Him and He will  direct your path” (Proverbs 3:6). Kahit feeling mo tahimik Sya minsan, hindi pa rin magbabago ang kanyang pagmamahal. Magtiwala ka lang.

PS: It’s never God who is not speaking but it’s us who are not hearing. Maniwala ka na kinakausap ka na ng Diyos ngayon kaya simulan mo nang makinig sa Kanya!

~J

#iHayagMo