Akala ko hindi ako makakapagtapos sa pag-aaral dahil mahirap lang kami.
Pero dahil si Hesus ang naging kayamanan ko. Nakapagtapos ako.
Akala ko hindi ko kayang makipagsabayan sa mga katrabaho ko. Ngunit ang
Diyos ang aking naging kalakasan. Natutunan ko na hindi ko kailangang
makipagkumpetensya sa iba, bagkus ay gawin ang trabaho para sa ikalulugod Niya.
Akala ko hindi ko kayang kumausap ng mga taong hindi ko kakilala. Pero sa
kabagligtaran nito, nakapag-share na ako sa mga pulubi, sa iba na bago ko
lamang nakasama - mga taong kailangan din ang Panginoon gaya ko noong una.
Akala ko hindi ko kayang humarap at magsalita sa harap ng maraming tao.
Pero kaya ko palang tumayo sa harap nila para ipatotoo ang kabutihan ng
Panginoon sa buhay ko.
Akala ko hindi ko kaya. Pero KAYA KO pala! Sapagkat tunay na ang Kanyang
kapangyarihan ay lubos na nahahayag sa aking mga kahinaan.
Kaya kung may pinapagawa ang Panginoon sa iyo, gaya ko maaring
mag-alinlangan kayo. Pero sumunod ka lang pagkat si Lord ang bahala sa iyo.
Hindi man ganun kadali pero sinisiguro ko, sapat ang tulong na ibibigay ng
Panginoon sayo. PUSH lang!
